લઘુકથા
પહોંચ
રાકેશના મનમાં ભારે ગડમથલ ચાલી. હૃદય વલોપાતથી ઘમરોળાઇ રહ્યું. એ આખો દિવસ અપસેટ રહ્યો.
એ સિનિયર ક્લાર્ક હતો. રાકેશના એકદમ નજીકના એક સંબંધી એમની બેબીને હાયર સેકન્ડરી સ્કૂલમાં એડમીશન અપાવવા રાકેશ પાસે આવ્યા હતા.
રાકેશે શાળાની પ્રણાલિકા, સિદ્ધાંતો અને નિયમો ઇ.ની સમજ આપીને ભારપૂર્વક છાતી ઠોકીને કહ્યું હતું કે શાળામાં બહારની કોઇપણ બાળાને એડમીશન અપાતું નથી.
એમના સંબંધીએ આગ્રહ શરૂ જ રાખ્યો ત્યારે રાકેશે અગાઉ શાળા પર કોઇએ કરેલા કેઇસની ફાઇલ બતાવી. એમની પહોંચ છેક દિલ્હી સુધીની હતી છતાં એમની હાર થઇ હતી.
તો પણ એમણે જીદ્દ શરૂ રાખી હતી.
છેવટે એઓ ચાલ્યા ગયા.
ત્રીજે દિવસે રાકેશને જ એમની બેબીને શાળામાં એડમીશન મળ્યા અંગેની ફી ભર્યાની પહોંચ કાઢી આપવી પડી.
બધું રાકેશની પહોંચ બહાર ગયું હતું.