Download this page in

રે મનવા.....

રે મનવા.....
મન મોહ્યું ગિરધર માંહી,
અવરનું નામ અધર પર નાહી.

મોહ-માયાનું તૂટ્યું બંધન, છૂટ્યું સઘળું કામ,
હેતે હૈયે ગૂંજ્યા કરતું નિશદિન નમણું નામ.
ભાંગી ભવની ભાવટ મનમે ભેદ-ભરમ કશું નાહી
રે મનવા....... મન મોહ્યું ગિરધર માંહી

આવન-જાવન અવિરત રે'તી ભવસાગરની વાટે
કરમ-ધરમની કહેણી ફરતી કાળ તણી થપાટે
ખેવટિયો મુજ કિરતાર ધણી ને હું છું અભેદ રાહી
રે મનવા....... મન મોહ્યું ગિરધર માંહી

મનુ. વી. ઠાકોર 'મનન' (M.A, B.ED) ગામ-ભદ્રાડા, તા-સમી, જિ-પાટણ. મો-7874283930