Included in the UGC-CARE list (Group B Sr. No 172)

પ્યાસી નજરના જામ, હોઠે ન લે,
મારું ફરીથી નામ, હોઠે ન લે.
માંગી વફાઓ ક્યાં મળી પ્રેમમાં,
ને શું હતો અંજામ, હોઠે ન લે.
કિમ્મત હતી શું એ બજારે, અને;
ગણ્યા હતા શું દામ, હોઠે ન લે.
ખંજર ચઢાવી કેડ પર તું ફરે,
તો વાતમાં હે રામ, હોઠે ન લે.
જે ગામ તારાથી જવાતું નથી,
તો ગામનું એ નામ, હોઠે ન લે.

યોગેન્દુ જોષી, એ-1/403, કામધેનુ એપાર્ટમેન્ટ, ગ્રીન સીટીની સામે, અર્જુન ટેનામેન્ટ પાસે, નિર્ણયનગર રોડ, ચાંદલોડિયા, અમદાવાદ.